بھارت میں باپ اپنی بیٹی کے ساتھ کیا کر گیا

# بھارت میں ایک بدبخت باپ 4سال تک اپنی ہی بیٹی کو زیادتی کا نشانہ بناتا رہا اور اس پر ظلم یہ کہ اس لڑکی کو اپنی بدنصیبی ثابت کرنے کے لیے اپنے ساتھ باپ کی اس درندگی کی ویڈیو بنانی پڑی۔ بھارتی اخبار ٹائمز آف انڈیا کی رپورٹ کے مطابق یہ واقعہ ضلع جیلان(Jalaun) شہر جھانسی کے نواحی علاقے اورائے(Orai) میں پیش آیا۔ لڑکی نے ان چار سالوں میں اپنی ماں اور بہنوں کو باپ کی درندگی کے متعلق کئی بار بتایا لیکن انہوں نے یقین کرنے سے انکار کر دیا اور الٹا اسے ہی لعن طعن کی۔ بالآخر لڑکی نے اپنی ایک سہیلی کی خدمات حاصل کیں جو اس کے ہمسائے میں ہی رہتی تھی۔

 
ایک روز لڑکی گھر میں اکیلی تھی اور اس کا باپ خباثت پر آمادہ تھا تو اس نے اپنی اس سہیلی کو فون پر اطلاع دے دی اور کمرے کی ایک کھڑکی جان بوجھ کر کھلی چھوڑ دی۔ اس کی سہیلی نے کھڑکی سے اپنے موبائل فون پر ویڈیو بنا لی۔ لڑکی نے وہ ویڈیو اپنی ماں اور بہنوں کو دکھائی جس پر انہوں نے لڑکی کا یقین کر لیا اور ماں اسے ساتھ لے کر تھانے چلی گئی۔ پولیس نے بھی لڑکی سے جھٹ اس الزام کا ثبوت مانگا جس پر لڑکی نے وہ ویڈیو انہیں دکھا دی۔ پولیس نے ملزم کو گرفتار کر لیا ہے۔رپورٹ کے مطابق پولیس آفیسر جنگ بہادر یادو کا کہنا ہے کہ ”ملزم کے خلاف مقدمہ درج کر لیا گیا ہے اور لڑکی کا میڈیکل ٹیسٹ بھی کروا لیا گیا ہے جس کی رپورٹ آنا ابھی باقی ہے۔